ლანჩხუთის მუნიციპალიტეტის საკრებულოში მოქალაქეთა ყოველკვირეული მიღება გაიმართა. საკრებულოს თავმჯდომარე ბესიკ ტაბიძემ, მოადგილე ვლადიმერ ნანაძემ და აპარატის უფროსმა ნინო ძიძიგურმა მოქალაქეების პრობლემები მოისმინეს.
სოფელ ხაჯალიაში მცხოვრებ ფრიდონ სურმანიძეს საცხოვრებელი სახლის პრობლემა აქვს. მისი თქმით, საცხოვრებელი სახლის გვერდით განვითარებული მეწყრული პროცესები სახლს საფრთხეს უქმნის. საკრებულოს თავმჯდომარემ მას შესაბამის უწყებებთან თანამშრომლობაში დახმარება აღუთქვა.
საკრებულოს თავმჯდომარე მოქალაქეებს ყოველი კვირის სამშაბათს 11.00 საათიდან იღებს.
