მამათში გაზიფიცირების სამუშაოები მიმდინარეობს. პროექტის თანახმად, ბუნებრივი აირი 400-მდე ოჯახს მიეწოდება.
დღეს მუნიციპალიტეტის მერი, ალექსანდრე სარიშვილი, საკრებულოს თავმჯდომარე ბესიკ ტაბიძე და საკრებულოს ინფრასტრუქტურის კომისიის თავმჯდომარე გიორგი გვარჯალაძე ქვემო მამათის მოსახლეობას შეხვდნენ.
ადგილობრივი ხელისუფლების პირველმა პირებმა მიმდინარე სამუშაოები დაათვალიერეს. ქვემო მამათის მოსახლეობამ კი მათ ის პრობლემები აცნობა, რაც სამუშაოების დროს სოფელში წარმოიშვა.
როგორც მერმა მოსახლეობას განუცხადა, ყველა იმ ხარვეზს, რაც კომპანიის მიერ იქნება დაშვებული მშენებლობის დროს, თავად კომპანია აღმოფხვრის და სოფლის შიდა მიმოსვლის გზასაც, დაზიანების შემთხვევაში, პირვანდელ მდგომარეობაში მოიყვანს.
