ლანჩხუთის მუნიციპალიტეტში კორონა ვირუსის პრევენციის მიზნით, სადეზინფექციო ღონისძიებები, საქართველოს ჯანდაცვის სამინისტროს რეკომენდაციების შესაბამისად ტარდება. მუნიციპალიტეტში საზოგადოებრივი ტრანსპორტი და საჯარო სკოლები სპეციალური ხსნარით მუშავდება. ასევე, დეზინფექცია ჩაუტარდება მუნიციპალიტეტის ბაგა-ბაღებსა და სახელოვნებო სკოლებს. პრემიერ-მინისტრის ხელმძღვანელობით შექმნილი საკოორდინაციო საბჭოს ფარგლებში ამოქმედებულია საკოორდინაციო სამუშაო ჯგუფები მხარის რწმუნებულების ხელმძღვანელობით. საკოორდინაციო ჯგუფებს კოორდინაციას რეგიონული განვითარებისა და ინფრასტრუქტურის სამინისტრო და საქართველოს პრემიერ-მინისტრის მრჩეველი რეგიონალურ საკითხებში სოზარ სუბარი უწევენ.
