დღეს, ლანჩხუთის მუნიციპალიტეტის საკრებულოს მორიგი სხდომა გაიმართა, რომელსაც ბესიკ ტაბიძე უძღვებოდა.საკრებულომ დღის წესრიგით განსაზღვრულ ორ საკითხზე მიიღო გადაწყვეტილება, ერთზე კი საჯარო-ადმიინისტრაციული წარმოება დაიწყო.
დამტკიცდა 2019 წლის 28 მარტის N18 განკარგულებაში ცვლილება „ლანჩხუთის მუნიციპალიტეტის ქონების საპრივატიზაციო ობიექტების ნუსხისა და ლანჩხუთის მუნიციპალიტეტის ქონების პრივატიზაციის გეგმის დამტკიცების შესახებ“ .
ქონების საპრივატიზაციო გეგმიდან და ნუსხიდან ამოღებულ იქნა ქ. ლანჩხუთში ჟორდანიას ქ. N 126-ში მდებარე, ყოფილი სასტუმრო შენობის მეორე სართულზე არსებული 8 ფართი.
საკრებულომ დაამტკიცა განკარგულება „ლანჩხუთის მუნიციპალიტეტის საკუთრებაში არსებული ქონების, პირდაპირი განკარგვის წესით, სასყიდლიანი სარგებლობის უფლებით გადაცემაზე მერისთვის თანხმობის მიცემის შესახებ“.
მერიის დებულებაში ცვლილების შეტანის მიზნიოთ საკრებულომ ადმინისტრაციული წარმოება დაიწყო.
სხდომას მუნიციპალიტეტის მერი და საკითხის მომხსენებლები ესწრებოდნენ.
