ლანჩხუთის მუნიციპალიტეტის მერია წინასაახალწლოდ სასურსათო პროდუქტების დარიგებას სოციალურად დაუცველ და უკიდურესად შეჭირვებულ მრავალშვილიან ოჯახებზე ისევ აგრძელებს.
ამჯერად სასურსათო პროდუქტები მუნიციპალიტეტის ტერიტორიაზე მცხოვრებ უკიდურეს შეჭირვებაში მყოფ 10 მრავალშვილიან ოჯახს გადაეცა.
მუნიციპალიტეტის მერმა, ალექსანდრე სარიშვილმა და მოადგილე ეკატერინე გუჯაბიძემ თითოეულ მათგანს დამდეგი შობა-ახალი წელი მიულოცეს და ბედნიერება უსურვეს.
მსგავსი კატეგორიის მრავალშვილიან ოჯახებზე წინასაახალწლოდ სასურსათო პროდუქტების დარიგება კიდევ გაგრძელდება.
