საკრებულოს წევრებმა ჯერ დროებითი სამანდატო და ხმის დამთვლელი კომისიები აირჩიეს.

სამანდატო კომიისიის დასკვნის შესაბამისად, სხდომაზე მიღებულ იქნა გადაწყვეტილება ახალარჩეული საკრებულოს 27 წევრის უფლებამოსილების ცნობის შესახებ. ამ დროიდან ავტომატურად შეუწყდა უფლებამოსილება ძველი მოწვევის საკრებულოს.

სხდომაზე, უმრავლესობის წარდგინებით, საკრებულოს თავმჯდომარის პოსტზე ბესიკ ტაბიძის კანდიდატურა დასახელდა, რის შემდეგაც ფარული კენჭისყრით, საკრებულოს თავმჯდომარედ 18 ხმით მეორე ვადით აირჩიეს.

ბესიკ ტაბიძემ მადლობა გადაუხადა ახლად არჩეული საკრებულოს წევრებს,საკრებულოს აპარატის თანამშრომლებს და ამომრჩევლებს გამოჩენილი ნდობისთვის და აღნიშნა რომ მომდევნო ოთხი წელი იქნება სტაბილურობის,განვითარების და კეთილდღეობის წლები.

საკრებულოს ახლადარჩეულმა თავმჯდომარემ, ბესიკ ტაბიძემ პირველი მოადგილის თანამდებობაზე ემზარ თევდორაძის კანდიდატურა ,ხოლო მოადგილეების თანამდებობებზე ვერიკო კვირკველიასა და გიორგი ჩახვაძის კანდიდატურა დაასახელა.

საკრებულოს წევრებმა წარმოდგენილი კანდიდატურები ფარული კენჭისყრის შედეგად ხმათა უმრავლესობით დაამტკიცეს.

ფარული კენჭისყრის საფუძველზე ხმათა უმრავლესობით დამტკიცდა ლანჩხუთის მუნიციპალიტეტის საკრებულოში არსებული ხუთი მუდმივმოქმედი კომისიის თავმჯდომარე.

იურიდიულ საკითხთა და ეთიკის კომისია- გიორგი ხელაძე

საფინანსო-საბიუჯეტო კომისია-ალექსანდრე მახათაძე

სივრცით-ტერიტორიული დაგეგმარებისა და ინფრასტრუქტურის კომისია- გიორგი იმნაიშვილი

ეკონომიკის, ქონების მართვისა და ბუნებრივი რესურსების საკითხთა კომისია-ზაზა წულაძე

სოციალურ საკითხთა, განათლების, კულტურისა და ახალგაზრდულ საქმეთა კომისია- კარლო კვიტაიშვილი

სხდომაზე, სამანდატო კომისიის გადაწყვეტილების საფუძველზე, კანონმდებლობით დადგენილი წესით, დარეგისტრირდა სამი ფრაქცია:

„ქართული ოცნება დემოკრატიული საქართველო“-თავმჯდომარე ია მოქია

„ერთიანი ნაციონალური მოძრაობა“-თავმჯდომარე კახაბერ ასკურავა

„ლანჩხუთი საქართველოსთვის“-თავმჯდომარე მაკა მშვიდობაძე.

კენჭისყრაში მონაწილეობა არ მიუღია არცერთი ოპოზიციურო პარტიის წევრს.

მოგახსენებთ ,რომ 2021 წლის 2 ოქტომბრის ადგილობრივი თვითმმართველობის არჩევნების შედეგად, ლანჩხუთის მუნიციპალიტეტის 27 -წევრიან საკრებულოში „ქართულ ოცნებას“ -20, ,,ნაციონალურ მოძრაობას’’-4,’’-„ლელო საქართველოსთვის“-1, ხოლო „ პარტია „საქართველოსთვის“-2 წევრი ეყოლება.

საკრებულოს პირველ სხდომას ლანჩხუთის მუნიციპალიტეტის მერი ალექსანდრე სარიშვილი ესწრებოდა.

ალექსანდრე სარიშვილმა ახალი მოწვევის საკრებულოს თავმჯდომარეს,მოადგილეებს და საკრებულოს წევრებს წარმატებული და ნაყოფიერი მუშაობა უსურვა.

სხდომას ასევე ადგილობრივი მედიის წარმომადგენლები ესწრებოდნენ.