გვიმბალაურის საფეხბურთო აკადემიის სტადიონზე საქართველოს ქალთა ეროვნული ჩემპიონატის ბოლო ტურის მატჩი ქსკ ,,ლანჩხუთსა“ და ქსკ ხობის „კოლხეთს“ შორის გაიმართა, რომელიც მასპინძლების გამარჯვებით დასრულდა.
მატჩის შემდგომ ქსკ ,,ლანჩხუთის“ საჩემპიონო დაჯილდოების ცერემონიალი გაიმართა.
ღონისძიებას სქფფ-ს პრეზიდენტი ნინო სორდია, სფფ-ს გენერალური მდივანი დავით მუჯირი და ლანჩხუთის მერის მოადგილე, ეკატერინე გუჯაბიძე ესწრებოდნენ.
ღონისძიება ლანჩხუთის მუნიციპალიტეტის მერიის განათლების, კულტურის, სპორტისა და ახალგაზრდულ საქმეთა სამსახურის ორგანიზებით ჩატარდა.
ქალთა საფეხბურთო კლუბი ,,ლანჩხუთი“ 2016 წელს შეიქმნა და ორჯერ გახდა ჩემპიონი, ერთხელ თასს დაეუფლა, 2020 წელს პირველი ქართული საფეხბურთო კლუბი გახდა, რომელმაც ჩემპიონთა ლიგის ფინალურ ეტაპზე იასპარეზა.
