ლანჩხუთის მუნიციპალიტეტში ადგილობრივი განვითარების ჯგუფების (LAG) მმართველი საბჭოს წევრების არჩევნები გაიმართა
ევროკავშირის მხარდაჭერით მიმდინარე პროექტის „მწვანე გურია – ადგილობრივი დემოკრატიისა და სოფლის განვითარების მხარდაჭერა ინკლუზიური და მწვანე ზრდისთვის“ ფარგლებში, ლანჩხუთის ადგილობრივი განვითარების ჯგუფის (LAG) მმართველი საბჭოს წევრების არჩევნები გაიმართა.
ორდღიან არჩევნებზე ლანჩხუთის ადგილობრივი განვითარების ჯგუფის (LAG) მმართველი საბჭოს წევრობაზე სულ 23 კანდიდატი წარსდგა.
არჩევნებში მონაწილეობა ლანჩხუთის LAG-ის 60-მდე წევრობის კანდიდატმა მიიღო.
შეგახსენებთ, რომ პროექტის ფარგლებში, გურიის რეგიონის სამივე მუნიციპალიტეტში დაგეგმილია ადგილობრივი განვითარების ჯგუფების (LAG) შექმნა.
ადგილობრივი განვითარების ჯგუფი ჩართული იქნება სოფლის განვითარების პრიორიტეტების განსაზღვრაში, მუნიციპალიტეტის ადგილობრივი განვითარების სტრატეგიის შემუშავებაში, სტრატეგიის შესაბამისი საგრანტო პროექტების განხორციელებასა და მონიტორინგში.
პროექტი “მწვანე გურია ადგილობრივი დემოკრატიისა და სოფლის განვითარების მხარდაჭერა ინკლუზიური და მდგრადი მწვანე ზრდისთვის” ხორციელდება ევროკავშირის ფინანსური მხარდაჭერით სოფლისა და სოფლის მეურნეობის განვითარების ევროპის სამეზობლო პროგრამის ENPARD IV ფარგლებში. პროექტს ახორციელებს CENN, ახალგაზრდა პედაგოგთა კავშირთან, დემოკრატიის ინსტიტუტთან და ქედის ადგილობრივ განვითარების ჯგუფთან (LAG) თანამშრომლობით.
