• საქართველო ერთ-ერთი პირველია ევროკავშირის არაწევრი ქვეყნებიდან, რომელიც ევროპის ყველაზე აქტიურ, სპორტულ კვირეულს შეუერთდა.
• ევროპის სპორტის კვირეულში მონაწილეობას ლანჩხუთის მუნიციპალიტეტიც იღებს.
• კვირეული 23 სექტემბერს, 14:00 საათზე ადმინისტრაციული შენობის წინ მდებარე სკვერში ევროპის კვირეული საზეიმოდ გაიხსნება.
14:30 წთ.ზე დაიწყება რუსთაველის ქუჩიდან თავისუფლების ქუჩამდე 1.5 კმ მარათონით.
• კვირეული 30 სექტემბრამდე გაგრძელდება და სხვადასხვა აქტივობებს მოიცავს.
24.09/14:00 – სოფელ გვიმბალაურში გაიმართება შეჯიბრი ქუჩის კალათბურთსა და ფრენბურთში;
25.09/14:00 – ქალაქის ცენტრალურ სკვერში ღია ცის ქვეშ დამონტაჟებულ მონიტორზე ნაჩვენები იქნება კვირეულის შესახებ მომზადებული ფილმი; იქვე მოეწყობა შეჯიბრი სამაგიდო თამაშებში (ჭადრაკი, ნარდი, შაში), სადაც ჩართულები იქნებიან განსაკუთრებული საჭიროების მქონე პირები.
26.09/14:00 – საცურაო აუზსა და მიმდებარე სპორტულ მოედანზე მონაწილეები ერთმანეთს შეეჯიბრებიან ცურვაში, ბაგირის გადაზიდვასა და მკლავჭიდში;
27.09/14:00 – მაჩხვარეთის საბავშვო ბაღში მოეწყობა საბავშვო თამაშები (გაიტანე გოლი და მხიარული მატარებელი), ასევე გაიმართება შეჯირი მკლავჭიდსა და მაგიდის ჩოგბურთში;
30.09/14:00 – ლანჩხუთის „გურიას“ ცენტრალურ სტადიონზე ჩატარდება საფეხბურთო მატჩები გოგონებსა და ვაჟებს შორის; მოეწყობა ფერთა ფესტივალი, რითაც ჩვენს მუნიციპალიტეტში ევროპის კვირეული დასრულდება.
• ლანჩხუთში ევროპის კვირეული მუნიციპალიტეტის მერიის განათლების, კულტურის, სპორტისა და ახალგაზრდულ საქმეთა სამსახურის ორგანიზებით ტარდება.
• “ევროპის სპორტის კვირეული“ (European Week of Sport – #Be Active) ევროკომისიის ორგანიზებით, 2015 წლიდან ყოველწლიურად ტარდება და ხელს უწყობს სპორტული და ფიზიკური აქტივობის პოპულარიზაციას ევროპის მასშტაბით.
• საქართველოში ღონისძიების კოორდინატორი საქართველოს განათლების, მეცნიერების, კულტურისა და სპორტის სამინისტროა.
• “ევროპის სპორტის კვირეული“ იმართება ყველასთვის, განურჩევლად ასაკისა, სპორტული გამოცდილებისა, თუ ფიზიკური მომზადების დონისა. კამპანია წარმოებს ჰეშთეგით #BeActive და მოუწოდებს მოსახლეობას, იცხოვრონ ცხოვრების ჯანსაღი წესით, იყვნენ აქტიურები.
• 2015 წლიდან დღემდე, აღრიცხულია 37,518 ღონისძიება და 14,603,172 მონაწილე. წელს, კამპანიას მხარს უჭერს 40-მდე საერთაშორისო ორგანიზაცია, როგორიცაა: ევროპის ოლიმპიური კომიტეტი (რომელშიც გაწევრიანებულია 50 ქვეყნის ოლიმპიური კომიტეტი), ევროპის პარალიმპიური კომიტეტი, სპეციალური ოლიმპიადა, ევროპის ხელბურთის ფედერაცია, საერთაშორისო საუნივერსიტეტო სპორტის ასოციაცია, ევროპის მძლეოსნობის ფედერაცია, ევროპული ფეხბურთის ასოციაციების კავშირი და მრავალი სხვა.
