საქართველოს ფეხბურთის ფედერაციის, ქართული ფეხბურთის განვითარების ფონდისა და გურიის რეგიონული ფეხბურთის ფედერაციის ორგანიზებით ევგრაფ შევარდნაძის სახელობის თასის გათამაშება 2008-2009 წლებში დაბადებულ ჭაბუკებს შორის გაიმართა.
ფინალში ერთმანეთს სამეგრელოსა და აჭარის ნაკრები გუნდები შეხვდნენ ერთმანეთს. საბოლოოდ გამარჯვება სამეგრელოს გუნდს ხვდა წილად.
ტურნირში მონაწილე გუნდებს თასები და პრიზები ლანჩხუთის მერმა ალექსანდრე სარიშვილმა და საკრებულოს თავმჯდომარე ბესიკ ტაბიძემ გადასცეს.
ღონისძიებას ევგრაფ შევარდნაძის ქალიშვილი სოფიკო შევარდნაძე და ლანჩხუთის ,,გურიას“ ვეტერანი ფეხბურთელი ჯემსუატ ურუშაძე ესწრებოდნენ. მათაც სიმბოლურად საჩუქრები გადაეცა.
