ლანჩხუთის მერი ალექსანდრე სარიშვილი და გურიის რეგიონული სავაჭრო-სამრეწველო პალატის ხელმძღვანელი გელა ზოიძე გერმანელ ბიზნესმენ ჰენრიკ ალბერცს შეხვდნენ.
მერიაში გამართულ გაცნობითი ხასიათის შეხვედრაზე ითქვა, რომ ლანჩხუთში იგეგმება ქართულ-გერმანული საწარმოს შექმნა. ასევე ადგილზე აშენდება სამაცივრო მეურნეობები სოფლის მეურნეობის პროდუქტებისთვის.შეხვედრაზე ისაუბრეს მუნიციპალიტეტის პოტენციალზე სხვადასხვა კუთხით. დაისახა სამომავლო გეგმები.ალექსანდრე სარიშვილმა მხარდაჭერა აღუთქვა სტუმარს და აღნიშნა, რომ მერია კომპეტენციის ფარგლებში ხელს შეუწყობს ინვესტიციის განხორციელებას. იმედი გამოთქვა, რომ ახალი პროექტის განხორციელება ადგილობრივი მოსახლეობის დასაქმებას შეუწყობს ხელს.
