24 იანვარს, ლანჩხუთის მუნიციპალიტეტის საზოგადოებას ახალი პროექტი – „გურიის ტურისტული პოტენციალის პოპულარიზაცია ევროპის ქვეყნების დამეგობრებულ ქალაქების რესურსების გამოყენებით“ , ინოვაციებისა და სამოქალაქო განვითარების ცენტრის „პროგრესის სახლის” წარმომადგენელმა მინდია სალუქვაძემ გააცნო.
პროექტი მიზნად ისახავს ადგილობრივი ეკონომიკური განვითარების სტიმულირებას ლანჩხუთის და ჩოხატაურის მუნიციპალიტეტების ტურისტული პოტენციალის პოპულარიზაციით, ტურიზმის სფეროში ჩართული მოსახლეობის უნარების განვითარებით, ადგილობრივი და ევროპის ქვეყნების დამეგობრებული ქალაქების რესურსების გამოყენებით.
ძირითადი საქმიანობები სამი მიმართულებით წარიმართება: ტურიზმის სფეროში ჩართული 215 ადამიანის (ადგილობრივი მოსახლეობა) უნარების განვითარება, ტრენინგებისა და მასტერკლასების საშუალებით; ლანჩხუთის და ჩოხატაურის მუნიციპალიტეტების ტურისტული პოტენციალის პოპულარიზაციისთვის საინფორმაციო ტურის მოწყობა ევროპის ქვეყნების დამეგობრებულ ქალაქების მედიის 9 წარმომადგნელთათვის; გურიის ტურიზმის სფეროში დასაქმებული 9 ადამიანის საინფორმაციო ვიზიტი, დამეგობრებულ ქალაქებში, გამოცდილების მისაღებად და მარკეტინგული კამპანია კონკრეტული შეთავაზებების საპრეზენტაციოდ.
პროექტის განხორციელების პერიოდია 1 იანვარი 2020 წელი – 31 დეკემბერი და შედეგად: ტრენინგებს გაივლის 215 მონაწილე; წახალისდება 10 იდეა და გაიცემა 10 გრანტი (80000 ლარის ოდენობით); საინფორმაციო ტურის საშუალებით გურიის ტურისტული პოტენციალის გაეცნობა 3 ქვეყნის 9 ჟურნალისტი, რომლებიც შემდგომში გაავრცელებენ ინფორმაციას რეგიონის ტურისტული პოტენციალის შესახებ; საინფორმაციო ვიზიტში მონაწილეობას მიიღებს 9 ადამიანი, რომლებიც 400-მდე ადამიანს გააცნობს გურიის ტურისტულ პოტენციალს და თავად გაეცნობა ახალ იდეებს; ტრენინგის 10 წარმატებულ მონაწილეს საშუალება ექნება დაბეჭდოს საკუთარი ბიზნესის სარეკლამო მასალები.
პროექტს სამოქალაქო განვითარების ცენტრი „პროგრესის სახლი“ გურიის ახალგაზრდულ რესურსცენტრთან პარტნიორობით ახორციელებს გაეროს განვითარების პროგრამის (UNDP) რეგიონული და ადგილობრივი განვითარების ხელშეწყობის პროექტის ფარგლებში, შვეიცარიის განვითარებისა და თანამშრომლობის სააგენტოსა (SDC) და ავსტრიის განვითარების თანამშრომლობის (ADC) ფინანსური მხარდაჭერით.
