შობის დღესასწაულთან დაკავშირებით ტრადიციული ალილო მოეწყო.
ალილოს მონაწილეებმა მსვლელობა მერაბ კოსტავას სახელობის ქუჩიდან დაიწყეს. მათ შუხუთის წმინდა გიორგის ტაძრის წინამძღვარი დეკანოზი საბა, მრევლთან ერთად შეუერთდა.
შობის დღესასწაული მეალილოეებს მერმა ალექსანდრე სარიშვილმა, პირველმა მოადგილე ეკატერინე გუჯაბიძემ, გურიის მაჟორიტარი დეპუტატის ბიუროს ხელმძღვანელმა მაია ლომთაძემ მიულოცეს.
შეგროვილი ნობათი სოციალურად დაუცველ და შეჭირვებულ მოსახლეობას გადაეცემა.
– ქრისტეშობას ვულოცავ ლანჩხუთს და სრულიად საქართველოს. დაე, ჩვენს გულებშიც იშვას ქრისტე. სიხარულს, ჯანმრთელობას და კეთილდღეობას გისურვებთ. მრავალს დაესწარით! – აღნიშნა ლანჩხუთის მერმა.
