ლანჩხუთის მუნიციპალიტეტში ,,სოფლის მხარდაჭერის პროგრამის“ ფარგლებში საკონსულტაციო კრებები დაიწყო.
დღეს ნიგვზიანის, ნინოშვილისა და ლესის ადმინისტრაციულ ერთეულებში ჩატარდა კრება, რომელსაც ლანჩხუთის მერი ალექსანდრე სარიშვილი და საკრებულოს თავმჯდომარე ბესიკ ტაბიძე დაესწრნენ.
-მიხარია, რომ მოსახლეობა აქტიურადაა ჩართული ამ პროცესში. წარმოადგინეს პრიორიტეტები და ის საჭიროებები, რომლებიც მათ აწუხებთ. აღნიშნულ საკითხებს განვიხილავთ, შესაბამისი სამსახური დააპროექტებს და უახლეოს პერიოდში დაიწყება სამშენებლო სამუშაოები- აღნიშნა ლანჩხუთის მერმა.პროგრამის ფარგლებში მოსახლეობამ შიდა გზების მოწესრიგების, სტადიონებისა და გარე განათების მოწყობის საკითხები წარმოადგინა.
