ლანჩხუთში საერთაშორისო ტურნირი ჭადრაკში „ნოე ჟორდანიას თასი – 2023″ დასრულდა.
ღონისძიებას სახელმწიფო რწმუნებული გურიის მხარეში გიორგი ურუშაძე, ლანჩხუთის მერი ალექსანდრე სარიშვილი ადგილობრივი ხელისუფლების სხვა წარმომადგენლებთან ერთად დაესწრო.
– ჩვენმა მუნიციპალიტეტმა ნოე ჟორდანიას სახელობის საერთაშორისო ტურნირს უმასპინძლა. მინდა მადლობა გადავუხადო სტუმრებს, მონაწილეებს. გამარჯვებულებს ვულოცავ ღირსეულ გამარჯვებას და შემდგომ წარმატებებს ვუსურვებ- აღნიშნა ალექსანდრე სარიშვილმა.
საერთაშორისო ტურნირში სხვადასხვა ქვეყნის 250-მდე მოჭადრაკე იღებდა მონაწილეობას.
ტურნირის მხარდამჭერი ლანჩხუთის მუნიციპალიტეტის მერიაა.
