საქართველოს პარლამენტის განათლების, მეცნიერებისა და კულტურის კომიტეტის თავმჯდომარე მარიამ ჯაში ჩიბათის საჯარო სკოლას ეწვია.
მარიამ ჯაში გლობალური ჯილდოს ფინალისტს ლადო აფხაზავას შეხვდა. შემდეგ კი პედაგოგებთან და მოსწავლეებთან ერთად სხვადასხვა მნიშვნელოვან საკითხზე უსაუბრა. მათ შორის, ერთიან ეროვნულ გამოცდებზე და მოსწავლეების მიერ დასმულ შეკითხვებს უპასუხა.
ამის შემდეგ სტუმარმა ოკუპაციის მუზეუმი დაათვალიერა, ამასთან ერთად მხარეთმცოდნეობის მუზეუმში ექსპონატებს გაეცნო. განსაკუთრებით კი საქართველოს პირველი დემოკრატიული რესპუბლიკის მთავრობის თავმჯდომარის ნოე ჟორდანიას პირადი ნივთებით დაინტერესდა.
ჩიბათის საჯარო სკოლაში იმყოფებოდნენ ადგილობრივი ხელისუფლების პირველი პირები და საგანმანათლებლო რესურს ცენტრის ხელმძღვანელი.
