დღეს ქალაქის ცენტრალურ პარკში ბავშვთა დაცვის საერთაშორისო დღესთან დაკავშირებით სხვადასხვა ღონისძიებები გაიმართა.
ანიმატორები, ასფალტზე ხატვა, პატარა მხატვრების გამოფენა და საზეიმო კონცერტი ღია ცის ქვეშ.
ღონისძიებებს ლანჩხუთის მერი ალექსანდრე სარიშვილი მოადგილეებთან და ადგილობრივი ხელისუფლების წარმომადგენლებთან ერთად დაესწრო.
-ვულოცავ ყველა პატარას დღევანდელ დღეს, ისინი ჩვენი ქვეყნის ხვალინდელი დღეა. მინდა თითოეულს წარმატებული და ბედნიერი მომავალი ვუსურვო- აღნიშნა ლანჩხუთის მერმა ალექსანდრე სარიშვილმა.
დღესვე თვითმმართველობის პირველი პირები ლესის ბავშვთა სახლისა და დღის ცენტრ ,,იავნანას“ აღსაზრდელებს ესტუმრნენ დღესასწაული მიულოცეს და საჩუქრები გადასცეს.
