დღეს აგარაკის ივერიის ღვთისმშობლის ხატის სახელობის ტაძარში რუსეთ-საქართველოს ომში დაღუპული გმირების სულთა მოსახსენებელი პანაშვიდი აღევლინა.
შემდეგ კი მუნიციპალიტეტის მერმა ალექსანდრე სარიშვილმა, საკრებულოს თავმჯდომარე ბესიკ ტაბიძემ და სახელმწიფო რწმუნებულმა გიორგი ურუშაძემ ომში დაღუპული გმირების: ემზარ წილოსანის, რუსლან წულაძის, ვასილ სმირნოვისა და გიორგი ლომაძის საფლავები გვირგვინებითა და ყვავილებით შეამკეს.
,,- 2008 წლის აგვისტოს ომის დაწყებიდან 15 წელი გავიდა. უდიდესი ტკივილია აგვისტოს დღეები ჩვენი ქვეყნისთვის. დღეს კიდევ ერთხელ პატივი მივაგეთ ჩვენი გარდაცვლილი ბიჭების ხსოვნას. ვუსამძიმრებ მათ ოჯახებს და სრულიად საქართველოს. “- განაცხადა მუნიციპალიტეტის მერმა ალექსანდრე სარიშვილმა.
მუნიციპალიტეტმა ომში დაღუპული ჯარისკაცების ოჯახებს პირად ანგარიშზე ფულადი თანხა 500- 500 ლარი დაურიცხა.
