სოფელ აცანაში 50 ბავშვზე გათვლილი საბავშვო ბაღის მშენებლობა დაიწყო.
საქართველოს რეგიონებში განსახორციელებელი პროექტების ფონდიდან სოფელ აცანის საბავშვო ბაღის ასაშენებლად 800 000 ლარი გამოიყო.
-სოფელ აცანაში დაიწყო საბავშვო ბაღის მშენებლობა. პროექტები მზადაა და სულ მალე საბავშვო ბაღების მშენებლობა ხაჯალიასა და სუფსაშიც დაიწყება. ჯამში აღნიშნული პროექტის განსახორციელებლად დაახლოებით 2 მლნ. ლარი დაიხარჯება – განაცხადა მუნიციპალიტეტის მერმა.
სამუშაოები მუნიციპალიტეტის მერმა, ალექსანდრე სარიშვილმა საკრებულოს თავმჯდომარის მოადგილე, ვლადიმერ ნანაძესთან ერთად დაათვალიერა.
