ა(ა)იპ ლანჩხუთის მუნიციპალიტეტის საფეხბურთო სკოლასა და თბილისის დინამოს აკადემიას შორის გაფორმებულია მემორანდუმი. რომლის საფუძველზეც საფეხბურთო სკოლის ორი ასაკობრივი ჭაბუკ ფეხბურთელთა გუნდები: U10 და U11, მწვრთნელები: თეზიკო ქურიძე და ვაკო ბერია, თბილისის დინამოს აკადემიის მიერ დანერგილი სწავლება ვარჯიშებს გადიან. მწვრთნელებმა გაიარეს სამ დღიანი სწავლება სემინარი, ჭაბუკ ფეხბურთელთა წვრთნის შესახებ, რომელსაც ითვალისწინებდა საფეხბურთო სკოლასა და თბილისის დინამოს აკადემიას შორის გაფორმებული მემორანდუმი. მ/წ 29 აპრილს ლანჩხუთის საფეხბურთო სკოლას, მემორანდუმის ფარგლებში მონიტორინგის ჩატარების მიზნით სტუმრობდა თბილისის დინამოს აკადემიის წარმომადგენელი ბატონი თენგიზ კაცია. რომელმაც დააკვირდა მემორანდუმის ფარგლებში მწვრთნელთა მიერ ჩატარებულ ვარჯიშებს, მომზადების დონეს, რომელიც ემსახურება პერსპექტიული ფეხბურთელების გამოვლინებას. აქვე მოგახსენებთ რომ დაგეგმილია მემორანდუმის ფარგლებში ფესტივალის ჩატარება. რომელსაც ჩაატარებს მაისის თვეში თბილისის დინამოს აკადემია. ამ პროგრამის ფარგლებში თბილისის დინამოს აკადემიას სპონსორობას უწევს შპს isurve.ge ბატონმა თენგიზ კაციამ მონიტორინგის ჩატარებისას გუნდის მწვრთნელებს ვაკო ბერიას და თეზიკო ქურიძეს გადასცა შესაბამისი სერტიფიკატები, ხოლო ბავშვებს დინამოს ემბლემიანი სათამაშო მაისურები, ბურთები და სპორტული ინვენტარი. თბილისის დინამოს აკადემიის მიერ განხორციელებული პროგრამისათვის მემორანდუმის ფარგლებში, საფეხბურთო სკოლას ფინანსურად უზრუნველყოფს ლანჩხუთის მუნიციპალიტეტის მერია.
