დღეს ლანჩხუთის მუნიციპალიტეტის საკრებულოს ბიუროს სხდომა გაიმართა, რომელსაც საკრებულოს თავმჯდომარე ბესიკ ტაბიძე უძღვებოდა.
სხდომაზე განიხილეს შემდეგი პროექტები
:1. „ლანჩხუთის მუნიციპალიტეტის 2024 წლის ბიუჯეტიდან სოციალური დახმარების გაცემისა და მიღების წესის დამტკიცების შესახებ“.
მომხსენებელი თამარ ფირცხალაიშვილი
2. „ლანჩხუთის მუნიციპალიტეტის 2024 წლის ბიუჯეტის დამტკიცების შესახებ“ ლანჩხუთის მუნიციპალიტეტის საკრებულოს 2023 წლის 22 დეკემბრის N22 დადგენილებაში ცვლილების შეტანის თაობაზე“ ლანჩხუთის მუნიციპალიტეტის საკრებულოს დადგენილების მისაღებად ადმინისტრაციული წარმოების დაწყების შესახებ“.
მომხსენებელი როლანდ ლაშხია
3. „ლანჩხუთის მუნიციპალიტეტში 2024 წელს განსახორციელებელი ინფრასტრუქტურული პროექტების მოწონების შესახებ“.
მომხსენებელი ალეკო კირვალიძე
სხდომაზე ლანჩხუთის მუნიციპალიტეტის 2023 წლის ბიუჯეტის დეკემბრის თვის შესრულების ანგარიში მოისმინეს, რომელიც ბიუროს მერიის საფინანსო-საბიუჯეტო სამსახურის უფროსმა, როლანდ ლაშხიამ გააცნო.
ძირითადი საკითხების დასრულების შემდეგ ბიუროს წევრებმა მუნიციპალიტეტში არსებულ სხვადასხვა მნიშვნელოვან საკითხზე იმსჯელეს.ბიუროს გადაწყვეტილებით, საკრებულოს სხდომა გაიმართება 2024 წლის 25 იანვარს 12:00 საათზე.
