ლანჩხუთის მუნიციპალიტეტის მერიისა და სამხედრო აღრიცხვის, გაწვევისა და რეკრუტირების ლანჩხუთის მუნიციპალური განყოფილების ორგანიზებით ღონისძიება გაიმართა, რომელიც მათ შორის, იმ წვევამდელებს მიეძღვნა, რომლებიც ნებაყოფლობით დარეგისტრირდნენ და საწყისი საბრძოლო მომზადების კურსი გაიარეს.
კონცერტს ლანჩხუთის მერი ალექსანდრე სარიშვილი და სამხედრო აღრიცხვის, გაწვევისა და რეკრუტირების ლანჩხუთის მუნიციპალური განყოფილების უფროსი რევაზ კილაძე ესწრებოდნენ.
,,სამშობლოს სიყვარული, თავდადება და პატივისცემა თითოეული ჩვენთაგანის ვალია. მინდა მშვიდობა, კეთილდღეობა, წინსვლა და წარმატებები ვუსურვო თითოეულ თქვენთაგანს“ -აღნიშნა ლანჩხუთის მერმა.
ღონისძიებას ადგილობრივი ხელისუფლების წარმომადგენლები და ვეტერანები ესწრებოდნენ.
