ლანჩხუთის მუნიციპალიტეტში საქართველოს მელიორაცია დამშრობი სისტემის მოწესრიგების სამუშაოებს ახორციელებს.
სამუშაოები ლანჩხუთის მუნიციპალიტეტის მერმა ალექსანდრე სარიშვილმა ,,საქართველოს მელიორაციის“ წარმომადგენელთან თემურ ბარამიძესთან ერთად დაათვალიერა.
როგორც თემურ ბარამიძემ აღნიშნა, ნატანი მასისა და ქვა-ღორღისგან 1, 7 კმ სიგრძის სადრენაჟე კოლექტორი იწმინდება.
ჩატარებული სამუშაოების შედეგად უხვი ნალექის დროს, დაახლოებით 50 ჰექტარ სასოფლო-სამეურნეო დანიშნულების მიწის ფართობის, საკარმიდამო ეზოებისა და საცხოვრებელი სახლების დატბორვის საფრთხე აღარ იარსებებს.
მიმდინარე სამუშაოები თებერვალში დასრულდება.
