დღეს ლანჩხუთის მუნიციპალიტეტის საბავშვო ბაღებში სასწავლო-სააღმზრდელო პროცესი დაიწყო.
ახალი სააღმზრდელო წლის დაწყება ბავშვებსა და პედაგოგებს ლანჩხუთის მერის პირველმა მოადგილემ ეკატერინე გუჯაბიძემ ა(ა)იპ საგანმანათლებლო-სააღმზრდელო ცენტრის ხელმძღვანელის მოვალეობის შემსრულებელ მარინა კეიდიასთან ერთად მიულოცა.
,,გილოცავთ ახალი სააღმზრდელო წლის დაწყებას. ყველაფერს ვაკეთებთ იმისთვის, რომ პატარებს კომფორტული და განვითარებაზე ორიენტირებული გარემო შევუქმნათ. გისურვებთ წარმატებულ და ნაყოფიერ წელს!“, -აღნიშნა ეკატერინე გუჯაბიძემ.
ბაღები ყველა საჭირო ინვენტარითა და სხვადასხვა რესურსითაა აღჭურვილი.
