ლანჩხუთში ახალგაზრდობის სააგენტოსა და მუნიციპალიტეტის მერიის მხარდაჭერით ახალგაზრდული ფესტივალი ჩატარდა.
ღონისძიებას მერის პირველი მოადგილე ეკატერინე გუჯაბიძე ადგილობრივი ხელისუფლების წარმომადგენლებთან ერთად დაესწრო.
ფესტივალის ფარგლებში გაიმართა სპორტული აქტივობები, ხელნაკეთი ნივთების გამოფენა-გაყიდვა და ახალგაზრდული ბენდების კონცერტი. ღონისძიება DJ-ის მუსიკალური პროგრამით დასრულდა.
ფესტივალის მიზანი ახალგაზრდების ჩართულობა, მათი შემოქმედებითი და სპორტული შესაძლებლობების მხარდაჭერა იყო.
პროექტი სსიპ ახალგაზრდობის სააგენტოს საგრანტო კონკურსის „ახალგაზრდული ინიციატივების მხარდაჭერა“ ფარგლებში ლანჩხუთის მერის ახალგაზრდული საბჭოს ორგანიზებით განხორციელდა.
