დღეს ლანჩხუთის მუნიციპალიტეტის საკრებულოს სხდომა გაიმართა, რომელსაც საკრებულოს თავმჯდომარე ბესიკ ტაბიძე უძღვებოდა.
საკრებულოს სხდომას მუნიციპალიტეტის მერი ალექსანდრე სარიშვილი ესწრებოდა.
საკრებულომ იმსჯელა და დაამტკიცა პროექტები – საქართველოს ადმინისტრაციულ სამართალდარღვევათა კოდექსის 125 მუხლის მე-4 პუნქტით გათვალისწინებული სამართალდარღვევისას საჯარიმო ქვითრის-ადმინისტრაციული სამართალდარღვევის ოქმის ფორმის შედგენის, გამოყენებისა და აღრიცხვა-ანგარიშგების წესი, „ლანჩხუთის მუნიციპალიტეტის სუფსის და ღრმაღელის ადმინისტრაციულ ერთეულებში კურორტ გრიგოლეთისა და სოფელ წყალწმინდის უბან ყვავილნარის ქალაქმშენებლობითი გეგმები, ასევე „ლანჩხუთის მუნიციპალიტეტის ქონების საპრივატიზაციო ობიექტების ნუსხისა და ლანჩხუთის მუნიციპალიტეტის ქონების პრივატიზაციის გეგმის დამტკიცების შესახებ“ ლანჩხუთის მუნიციპალიტეტის საკრებულოს 2026 წლის 25 თებერვლის N6 განკარგულებაში ცვლილების შეტანის თაობაზე“.
საკრებულომ მხარი დაუჭირა მერისთვის თანხმობის მიცემას: „ლანჩხუთის მუნიციპალიტეტის საკუთრებაში არსებული უძრავი ქონების, შპს „ჯი ენ ელი“-სთვის ( ს/კ 404507173), პირდაპირი განკარგვის წესით, სასყიდლიანი სარგებლობის უფლებით და „ლანჩხუთის მუნიციპალიტეტის საკუთრებაში არსებული უძრავი ქონების, ა(ა)იპ „პროგრესის ვექტორი“-ისთვის (ს/კ 433645932), პირდაპირი განკარგვის წესით, უსასყიდლოდ სარგებლობის უფლებით გადაცემაზე.
სხდომაზე განიხილეს და უმრავლესობით მხარი დაუჭირეს დადგენილების პროექტებს – „ლანჩხუთის მუნიციპალიტეტის მერიის თანამდებობის პირთა და სხვა მოსამსახურეთა საშტატო ნუსხისა და თანამდებობრივი სარგოს ოდენობების დამტკიცების შესახებ“, ასევე მუნიციპალიტეტის მერიის დებულების და მერიის სხვა სამსახურების დებულებების დამტკიცების შესახებ და ა(ა)იპ „ლანჩხუთის მუნიციპალური ინსპექციის“ მიერ ადმინისტრაციული სამართალდარღვევის და სამშენებლო სამართალდარღვევის საქმის ადმინისტრაციული წარმოებისას გამოსაყენებელი დოკუმენტების ფორმებისა და აღრიცხვა-ანგარიშგების წესის დამტკიცების შესახებ“.
სხდომაზე დამტკიცდა განკარგულების პროექტები – „საქართველოს რეგიონული განვითარების სამინისტროსა და ლანჩხუთის მუნიციპალიტეტს შორის უფლებამოსილების განხორციელების დელეგირების შესახებ“ 2025 წლის 30 დეკემბერს გაფორმებულ ხელშეკრულებაში ცვლილებების შეტანის თაობაზე“ 2026 წლის 16 ივლისის N1 შეთანხმების აქტის დამტკიცების შესახებ“ და „ლანჩხუთის მუნიციპალიტეტის ადმინისტრაციულ საზღვრებში შავი ზღვის სანაპირო ზოლში ზომამცირე გემების ბაზირების პუნქტების ადგილების განსაზღვრის შესახებ“.
