ნიგვზიანის საბავშვო ბაღში სტუმრიანობა იყო. საახალწლო ზეიმთან დაკავშირებით ბაღს მუნიციპალიტეტის პირველი პირები და ადგილობრივი ხელისუფლების წარმომადგენლები ეწვივნენ. უნდა ითქვას, რომ ამ ბაღის პედაგოგი, ნათია თავაძე გარემოს დაცვითი ინფორმაციისა და განათლების ცენტრის მიერ გამოცხადებული “მწვანე ჯილდოს“ კონკურსის გამარჯვებული გახდა. პროექტი „დარგე ერთი ხე ბაბუსთან ერთად“ ნათიასათავის წარმატებული აღმოჩნდა. დღეს მას ეს გამრჯვება პირადად მიულოცეს მუნიციპალიტეტის მერმა, საკრებულოს თავმჯდომარემ და სკოლამდელი აღზრდის ცენტრის ხელმძღვანელმა. საახალწლო ზეიმი კი მართლაც ლამაზი სანახავი იყო. პატარებმა ყველანაირად მოაწონეს თავი სტუმრებს. იყო ცეკვები, სიმღერები, სანტა კლაუსიც, თოვლიც (მართალია, ხელოვნური, მაგრამ ხომ იყო) და რაც მთავარია, იყო ბევრი საჩუქარიც. მომავალი ახალი წელი პატარებს მუნიციპალიტეტის მერმა, ალექსანდრე სარიშვილმა და საკრებულოს თავმჯდომარე, ბესიკ ტაბიძემ მიულოცეს. “დიდი მადლობა მინდა გადაგიხადოთ ამ ლამაზი ზეიმისთვის და მოგილოცოთ კარს მომდგარი ახალი, 2020 წელი და მშვიდობა, ჯანმრთელობა გისურვოთ” – მიმართა პატარებს ალექსანდრე სარიშვილმა.
