ლანჩხუთის მუნიციპალიტეტის მერმა ალექსანდრე სარიშვილმა სამსახურების ხელმძღვანელებთან სამუშაო შეხვედრა გამართა.
შეხვედრაზე არსებული გამოწვევები განიხილეს. იმსჯელეს მიმდინარე პროექტებზე. ამ დროისთვის მუნიციპალიტეტში სტიქიის სალიკვიდაციო ღონისძიებების ფარგლებში ხიდებისა და ნაპირსამაგრების მოწესრიგება მიმდინარეობს.
მუნიციპალიტეტის სოფლებში ,,სოფლის მხარდაჭერის პროგრამის“ ფარგლებში დასრულდა კონსულტაციები და შეხვედრები. მომზადდება პროექტები და დაიწყება შესაბამისი სამუშაოები.
შეხვედრაზე ყურადღება ასევე გამახვილდა სოციალურ და ჯანდაცვის პროგრამებზე.
მუნიციპალიტეტის მერმა სამსახურის ხელმძღვანელებს მოსახლეობის საჭიროებებზე მაქსიმალური ყურადღების გამახვილება დაავალა.
სამუშაო შეხვედრას მერის პირველი მოადგილე ეკატერინე გუჯაბიძე და მოადგილე თორნიკე ტიკაძე ესწრებოდნენ.
