ლანჩხუთის მუნიციპალიტეტის საკრებულოს წევრი, იურიდიულ საკითხთა და ეთიკის კომისიის თავმჯდომარე ვერიკო კვირკველია ქ. ლანჩხუთის ამომრჩეველს შეხვდა და გაწეული მუშაობის შესახებ ანგარიში წარუდგინა.
ანგარიშის წარდგენას საკრებულოს თავმჯდომარის მოადგილე ვლადიმერ ნანაძე და ქალაქ ლანჩხუთის მაჟორიტარი, ინფრასტრუქტურის კომისიის თავმჯდომარე გიორგი გვარჯალაძე ესწრებოდნენ.
ვერიკო კვირკველიამ ამომრჩეველს საანგარიშო პერიოდში საკრებულოში მის მიერ გაწეული მუშაობისა და წარდგენილი პროექტების შესახებ მიაწოდა ინფორმაცია.
,, საკრებულოს სხდომებზე, სადაც უმეტეს შემთხვევაში ვიყავი მომხსენებელი, წარვადგენდი ისეთ პროექტებს, რომელიც ძირითადად მოქალაქეთა მონაწილეობაზე და მათ კეთილდღეობაზე იყო ორიენტირებული”, აღნიშნა საკრებულოს წევრმა.
მნიშვნელოვან სამართლებრივ აქტებზეც გაამხვილა ყურადღება, რომლებიც საკრებულომ საანგარიშო პერიოდში დაამტკიცა. მოქალაქეებს გააცნო 2018 წლის ბიუჯეტის განხილვის დროს გამოთქმული შენიშვნები, რომელთა ასახვას მიზანშეწონილად მიიჩნევდა იურიდიულ საკითხთა და ეთიკის კომისია მუნიციპალიტეტის მთავარ ფინანსურ დოკუმენტში.
მაგალითად: კომისია მიიჩნეს, რომ საკრებულოს მიერ დამტკიცებული ლანჩხუთის მუნიციპალიტეტის ტერიტორიაზე ადგილობრივი მოსაკრებლის შემოღების, გადახდის ინსტრუქციის, დაგვა-დასუფთავების და ნარჩენების განკარგვის წესი, დღესდღეობით უფუნქციოა და არ ხდება ამ კუთხით ბიუჯეტში შემოსავალის დაფიქსირება. მუნიციპალიტეტის ბიუჯეტის ზრდა შესაძლებელია გადასახადის ამოღებით, რაც ისევ მოსახლეობის საკეთილდღეოდ მიიმართება.
ასავე გამოთქვა შენიშვნა, რომ ბიკარბონატული ჰემოდიალეზით – თირკმლის ქრონიკული უკმარისობით დაავადებულ ბენეფიციარებისთვის ადგილზე უნდა ხდებოდეს მომსხურების გაწევა ( მუნიციპალიტეტმა უნდა დაიწყოს იმ კუთხით მუშაობა, რომ ადგილობრივ ბიუჯეტში იქნას გათვალისწინებული დიალეზის ცენტრის მოსაწყობად საჭირო თანხა) და ა.შ.
ვერიკო კვირკველიამ ყურადღება გაამახვილა იმ საკითხებზე, რომლებიც საანგარიშო პერიოდში საკრებულოს სხდომებზე დასვა:
ქალაქის ცენტრში გარე ვაჭრობის მოწესრიგების აუცილებლობა; რკინიგზის სადგურის მიმდებარე ტერიტორიაზე არსებული ბაზრის რეაბილიტაცია, მუნიცპალური ტრანსპორტის მოწესრიგების საკითხი, პარკირების ადგილის მოწყობისა და ტაქსების, ასევე კერძო მსუბუქი და სატვირთო ავტომობილების დგომის საკითხის რეგულირება, ქალაქის პირველი საჯარო სკოლის შიდა ეზოს და სველი წერტილების მოწესრიგება, ქალაქის ცენტრში, ჟორდანიას ქუჩასა და ყოფილი უნივერმაღის მიმდებარე ტერიტორიაზე სანიაღვრე არხების მოწყობა, შპს “რეალ ექსპერტთან” დადებული ხელშეკრულების გადახედვის აუცილებლობა( აღნიშნული კომპანიის მიმართ გამოთქმული პრეტენზიების გამო), მუნიციპალური საზღვრებისა და ქალაქის დაგეგმარების რუკის შედგენა, ქირავნობის პროგრამის გადახედვა , ქირავნობის და ასევე ვეტერანების დახმარების პროგრამების თანხის გაზრდა.
შეხვედრაზე დაისვა ქალაქში სანიაღვრე არხების გაწმენდის, ტროტუარის მოწყობისა და მაწანწალა ძაღლებთან დაკავშირებული პრობლემური საკითხები.
ვერიკო კვირკველიამ აღნიშნა, მის მიერ გაჟღერდა გურიის ტერიტორიაზე თავშესაფრის აშენების ინიციატივა, რომელიც სამივე მუნიციპალიტეტს მოემსახურება. ვინაიდან მუნიციპალიტეტის ბიუჯეტი ვერ გაუმკლავდება მაწანწალა ძაღლებისთვის თავშესაფრის მოწყობას. ამ საკითხზე მუნიციპალიტეტის მერთანაც ჰქონდა კომუნიკაცია და საკითხზე მუშაობა გრძელდება.
რაც შეეხება შეხვედრაზე დასმულ ინფრასტრუქტურულ პრობლემებს, საკრებულოს ინფრასტრუქტურის კომისიის თავმჯდომარის, გიორგი გვარჯალძის განცხადებით, ქალაქის ცენტრალურ ნაწილში მაგისტრალის გასწვრივ საფეხმავლო ბილიკების, გარე განათების, სანიაღვრე არხებისა და წყალმომარაგების ქსელის რეაბილიტაცია იგეგმება , ასევე დაიწყება N1 საჯარო სკოლის ეზოს კეთილმოწყობის სამუშაოები.
ვერიკო კვირკველიამ მადლობა გადაუხადა ამომრჩეველს და აღნიშნა, რომ დასახული მიზნებიდან გამომდინარე გააგრძელებს მჭიდრო თანამშრომლობას მუნიციპალიტეტის მერიასთან, აქტიურად განაგრძობს მოსახლეობასთან კომუნიკაციას და ყველა დონეზე მათი ინტერესების დაცვას.
