ზუგდიდში კიბოს სკრინინგის სახელმწიფო პროგრამების შესახებ მოსახლეობის ინფორმირებულობისა და ჩართულობის გაზრდაზე შეხვედრა ჩატარდა, რომელსაც ლანჩხუთიდან “გამარჯვებულ ქალთა კლუბის” დამფუძნებელი მზია კვირკველია, მერიის სოციალური სამსახურის წარმომადგენელი ირმა ხურციძე და გენდერულ თანასწორობაზე პასუხისმგებელი პირი, ლოლიტა ურუშაძე ესწრებოდნენ.“შეხვედრაზე ითქვა, რომ ლანჩხუთი გამორჩეული რაიონია სკრინინგის კუთხით. აქ სამი ათასამდე ქალბატონმა ჩაიტარა გამოკვლევები, 68 ჩაუატრდა ფიბროადენომა, რაც 68 გადარჩენილ სიცოცხლეს ნიშნავს“ – გვითხრა მზია კვირკველიამ.
შეხვედრაზე ასევე ისაუბრეს სკრინინგის პროგრამის დადებით მხარეებზე, იმაზე, რომ ქალბატონებმა უნდა იცოდნენ რას ნიშნავს სკრინინგი და როგორ ისარგებლონ მისით.
„ამ შეხვედრაზევე გაფორმდა მემორანდუმი ჩვენს კლუბსა და ზუგდიდის სკრინინგ-ცენტრს შორის, რაც ჩვენი კლუბის წევრი ქალბატონებისთვის შეღავათიან გასინჯვებს ითვალისწინებს“, – აღნიშნა ქალბატონმა მზიამ.
მისივე თქმით, ზუგდიდში გამართულ შეხვედრაზე არაერთგზის აღინიშნა ლანჩხუთის „გამარჯვებულ ქალთა კლუბის“ წარმატებული საქმიანობა, რისთვისაც მადლობა გადაუხადეს ლანჩხუთის მუნიციპალიტეტის მერს, ბატონ ალექსანდრე სარიშვილს.
შეგახსენებთ, რომ ზემონახსენებ შეხვედრას ესწრებოდნენ ჩეხეთის რესპუბლიკის კარიტასი საქართველოში, არასამთავრობო სექტორის წარმომადგენლები, ჟურნალისტები და სხვა პირები.
