ლანჩხუთის მუნიციპალიტეტში, სოფელ სუფსაში მუსიკალური სასწავლებლის ახალი შენობის მშენებლობა მიმდინარეობს. სამუშაოები აქტიურ ფაზაშია და ახალი სასწავლო წლიდან სოფელ სუფსასა და მიმდებარე სოფლებში მცხოვრები ბავშვები ახალ, თანამედროვე სტანდარტების შესაბამის სკოლაში გააგრძელებენ სწავლას. პროექტი ადგილობრივი ბიუჯეტიდან 492 622 ლარით ფინანსდება.
ასევე ქალაქში მარიკა ორაგველიძის სახელობის მუსიკალური სკოლის სახურავი რეაბილიტირდა.
სამუშაოები ლანჩხუთის მერმა ალექსანდრე სარიშვილმა პირველ მოადგილე ეკატერინე გუჯაბიძესთან ერთად დაათვალიერა.
