14 ივნისს შეზღუდული შესაძლებლობის მქონე პირთა უფლებების დაცვის დღესთან დაკავშირებით ღონისძიება გაიმართა, რომელიც ასოციაცია ,,საბას“ ორგანიზებითა და ლანჩხუთის მუნიციპალიტეტის მერიის მხარდაჭერით შედგა.
კულტურის ცენტრში გამართულ ღონისძიებას ლანჩხუთის მერი ალექსანდრე სარიშვილი, პირველი მოადგილე ეკატერინე გუჯაბიძე, საკრებულოს თავმჯდომარე ბესიკ ტაბიძე და ადგილობრივი თვითმმართველობის წარმომადგენლები დაესწრნენ.
14 ივნისი საქართველოში შეზღუდული შესაძლებლობების მქონე პირთა უფლებების დაცვის დღედ 2000 წელს გამოცხადდა. ამ დღის მიზანია შეზღუდული შესაძლებლობების მქონე ადამიანების სოციალური იზოლაციის დაძლევა, საზოგადოებაში მათ მიმართ არსებული ნეგატიური სტერეოტიპების რღვევა და მათი რეალური შესაძლებლობების წარმოჩენა.
