ლანჩხუთის მუნიციპალიტეტის ხუთ ადმინისტრაციულ ერთეულში: ნიგოითში, აკეთში, ნიგვზიანში, ჯურუყვეთსა და ქალაქში ხელოვნურსაფარიანი მოედნების მოწყობა მიმდინარეობს. აღნიშნული სამუშაოების ჩასატარებლად ჯამში, ადგილობრივი ბიუჯეტიდან, ნახევარ მილიონ ლარზე მეტი დაიხარჯება.
ჯერ კიდევ გასულ წელს დავიწყეთ მუნიციპალიტეტში ხელოვნურსაფარიანი მოედნების მოწყობა. მიმდინარე წელს კიდევ ხუთი ახალი სტადიონი შენდება. დამატებით სოფელ მამათში ვგეგმავთ კიდევ ერთის მშენებლობას. ჩვენთვის პრიორიტეტია ჯანსაღი ცხოვრების წესი და ახალგაზრდობის ჩართვა სპორტულ აქტივობებში. მსგავსი სახის პროექტები მომავალშიც გაგრძელდება- აღნიშნა მუნიციპალიტეტის მერმა.სამუშაოები ლანჩხუთის მერმა ალექსანდრე სარიშვილმა საკრებულოს თავმჯდომარე ბესიკ ტაბიძესთან ერთად დაათვალიერა.
