ლანჩხუთის მუნიციპალიტეტის საკრებულოს ბიუროს სხდომაზე, რომელსაც საკრებულოს თავმჯდომარე ბესიკ ტაბიძე უძღვებოდა, 2025 წლის ბიუჯეტის აგვისტოს თვის შესრულების ანგარიში განიხილეს.საკრებულოს წევრებს ანგარიში მერიის საფინანსო-საბიუჯეტო სამსახურის უფროსის მოვალეობის შემსრულებელმა, თამაზ იმედაიშვილმა გააცნო.
როგორც თამაზ იმედაიშვილმა აღნიშნა, აგვისტოს თვეში ბიუჯეტში მიღებულია 4 025 246 ლარი, მათ შორის შემოსავლების სახით 1 790 436 ლარი, გადასახადების სახით 1 250 464 ლარი.
პირველი სექტემბრის მდგომარეობით წელთან მიმართებაში შემოსულებების შესრულება 62,2%-ია, გადასახადების შესრულება 66,5%-ი.
ბიუროს სხდომაზე ასევე იმსჯელეს „ლანჩხუთის მუნიციპალიტეტის ქალისა და მამაკაცის თანასწორობისა და ბავშვთა საკითხებზე მომუშავე მუნიციპალური საბჭოს შექმნისა და მისი დებულების დამტკიცების შესახებ“ ლანჩხუთის მუნიციპალიტეტის საკრებულოს 2025 წლის 29 ივლისის N20 დადგენილებაში ცვლილების შეტანის თაობაზე“, რომელიც ამიერიდან ჩამოყალიბდება შემდეგი რედაქციით: ,,ლანჩხუთის მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭო“.
ბიუროს გადაწყვეტილებით, საკრებულოს სხდომა 2025 წლის 24 სექტემბერს გაიმართება.
