დღეს, ლანჩხუთის მუნიციპალიტეტის საკრებულოს ბიუროს სხდომა გაიმართა, რომელსაც საკრებულოს თავმჯდომარე ბესიკ ტაბიძე უძღვებოდა.
ბიურომ 6 ძირითად საკითხზე იმსჯელა და საკრებულოს სხდომის დღის წესრიგში შემდეგი საკითხები შეიტანა:
- „ლანჩხუთის მუნიციპალიტეტის ტერიტორიაზე არსებული სახელმწიფო და ლანჩხუთის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“;
- საკითხი „ადგილობრივი (ქონების) გადასახადის შემოღებისა და მისი განაკვეთების შესახებ“„ლანჩხუთის მუნიციპალიტეტის საკუთრებაში არსებული ძირითადი ქონების განკარგვაზე (გასხვისებაზე) მერისათვის თანხმობის მიცემის შესახებ“;
- ლანჩხუთის მუნიციპალიტეტის საკუთრებაში არსებული უძრავი ქონების, სსიპ ,,იურიდიული დახმარების სამსახური“-სთვის პირდაპირი განკარგვის წესით, სარგებლობის უფლებით, უსასყიდლოდ გადაცემაზე მერისათვის თანხმობის მიცემის შესახებ“.
- „ლანჩხუთის მუნიციპალიტეტის გვიმბალაურის ადმინისტრაციულ ერთეულში ივანე ხოფერიას ქუჩისთვის სახელწოდების გადარქმევის შესახებ”
- საკრებულო განიხილავს „ლანჩხუთის მუნიციპალიტეტის 2020 წლის ბიუჯეტიდან სოციალური დახმარების გაცემისა და მიღების წესის დამტკიცების შესახებ“ დადგენილებაში შესატან ცვლილებას. დადგენილების პროექტი განსახილველად დაეწერა შესაბამის დარგობრივ კომისიას და შეტანილ იქნა დღის წესრიგში საჯარო ადმინისტრაციული წარმოების დაწყების მიზნით.
საკრებულოს მორიგი სხდომა 28 თებერვალს 11 საათზე გაიმართება.
