შინდისის ბრძოლიდან 16 წელი გავიდა. ლანჩხუთის მუნიციპალიტეტის მერმა ალექსანდრე სარიშვილმა, საკრებულოს თავმჯდომარე ბესიკ ტაბიძემ და ადგილობრივი ხელისუფლების სხვა წარმომადგენლებმა შინდისში დაღუპული გმირების ხსოვნისადმი მიძღვნილი მემორიალი გვირგვინებით შეამკეს და მათ ხსოვნას პატივი მიაგეს.
ჩვენი გმირი ბიჭები: ემზარ წილოსანი და რუსლან წულაძე აქ, ამ მიწაზე დაიღუპნენ. შინდისის გმირების თავგანწირვა და თავდადება ისტორიის საკუთრებაა. მათ სახელებს დავიწყება არ უწერია. ქედს ვიხრით მათი ხსოვნის წინაშე და კიდევ ერთხელ ვუსამძიმრებთ გარდაცვლილთა ოჯახებს. ერთიან, ძლიერ, მშვიდობიან საქართველოში ცხოვრებას გისურვებთ! -აღნიშნა ლანჩხუთს ალექსანდრე სარიშვილმა.
შინდისში დილიდან შეიკრიბნენ გარდაცვლილთა მშობლები, ახლობლები და თანამებრძოლები.
შინდისის ბრძოლა 2008 წლის 11 აგვისტოს მოხდა. რუსულ სამხედრო ნაწილთან უთანასწორო შეტაკების დროს 17 ქართველი ჯარისკაცი დაიღუპა.
