სასკოლო სპორტული ოლიმპიადის ფარგლებში შეჯიბრი მინი ფეხბურთში დასრულდა, რომელშიც მონაწილეობას ჯამში 23 გუნდი იღებდა.
გოგონებს შორის პირველ ადგილზე მესამე საჯარო სკოლის გუნდი, მეორეზე- ჭანჭათის, მესამეზე – ჩოჩხათის საჯარო სკოლის გუნდი გავიდა.
ბიჭებს შორის პირველი ადგილი პირველი საჯარო სკოლის გუნდმა დაიკავა, მეორეზე- ნიგოითის, ხოლო მესამეზე მესამე საჯარო სკოლის გუნდი გავიდა.
გამარჯვებულებს თასები და მედლები, ლანჩხუთის მუნიციპალიტეტის მერმა ალექსანდრე სარიშვილმა პირველ მოადგილე ეკატერინე გუჯაბიძესთან ერთად გადასცა.
შეჯიბრს საკრებულოს დეპუტატი კახა კვიტაიშვილი და რესურს ცენტრის ხელმძღვანელი ნინო ჩიტაძე ესწრებოდნენ.
სასკოლო სპორტული ოლიმპიადია ლანჩხუთის მუნიციპალიტეტის მერიის კულტურის, ძეგლთადაცვის, ტურიზმის, სპორტისა და ახალგაზრდობის საქმეთა სამსახურის ორგანიზებით ტარდება.
