ლანჩხუთის მუნიციპალიტეტის მერმა, მოადგილეებთან ერთად, სამსახურების უფროსებთან სამუშაო შეხვედრა გამართა, სადაც ის ძირითადი და მნიშვნელოვანი პროექტები განიხილეს, რომლებიც მუნიციპალიტეტში აქტიურად ხორციელდება.
ალექსანდრე სარიშვილმა მოისმინა ინფორმაცია სოციალური და ჯანდაცვის პროგრამების შესახებ.
შეხვედრაზე აღინიშნა, რომ მუნიციპალიტეტში აქტიურად მიმდინარეობს სტიქიის სალიკვიდაციო ღონისძიებები. ნაპირსამაგრების მოწყობა და საგზაო ინფრასტრუქტურის მოწესრიგება. ქალაქში გურიელისა და მორჩილაძის ქუჩებზე დაიგო ასფალტის საფარი, რაც მომავალშიც გაგრძელდება და წლის ბოლომდე კიდევ რამდენიმე ქუჩა მოწესრიგდება.
აქტიურად გრძელდება ახალი სპორტული სკოლის მშენებლობა და ხელოვნურსაფარიანი სტადიონების მოწყობა.
მერის პირველმა მოადგილე ეკატერინე გუჯაბიძემ უახლოეს პერიოდში დაგეგმილ კულტურულ და ახალგაზრდულ პროექტებზე ისაუბრა.
მუნიციპალიტეტის მერმა დაავალა შესაბამისი სამსახურების უფროსებს მაქსიმალური ყურადღება გამოიჩინონ მიმდინარე პროექტების ხარისხიანად შესრულებასთან დაკავშირებით.
