1989 წლის 9 აპრილიდან 30 წელი გადის, ხოლო 28 წელი მას შემდეგ, რაც 1991 წელს საქართველოს პირველმა პრეზიდენტმა ზვიად გამსახურდიამ ქვეყნის დამოუკიდებლობა გამოაცხადა. 1991 წლის 9 აპრილსვე ხელი მოეწერა ქვეყნის უმნიშვნელოვანეს დოკუმენტს, საქართველოს დამოუკიდებლობის აღდგენის აქტს.
ამ თარიღებთან დაკავშირებით ლანჩხუთის მუნიციპალიტეტის მერია შემდეგ ღონისძიებებს გეგმავს:
9 აპრილი, დილის 11 საათი – ივერიის ღვთისმშობლის ხატის სახელობის ტაძარში წინამძღვარი გადაიხდის 9 აპრილს დაღუპულთა ხსოვნის პანაშვიდს;
11:30 წთ. – თემურ ფირცხალაიშვილის სახელობის შემოქმედთა მუზეუმში შედგება 9 აპრილის მომიტინგეებთან შეხვედრა და მოეწყობა ამ დღისადმი მიძღვნილი გამოფენა. გვირგვინებით შეამკობენ დამოუკიდებლობის აღდგენის აქტზე ხელმომწერი გია ფირცხალაიშვილისა და 9 აპრილის მომიტინგეების საფლავებს;
13:00 სთ. – ლანჩხუთის მხარეთმცოდნეობის მუზეუმში დაგეგმილია ცხრა აპრილის მოვლენების ამსახველი ფოტო-გამოფენის მოწყობა; ფაქტების მოკლე ისტორიული მიმოხილვა; ცხრა აპრილის მოვლენების ლანჩხუთელ მონაწილეებთან შეხვედრა; დოკუმენტური კადრების ჩვენება. ღონისძიებაში ჩაერთვებიან ქალაქის სკოლის მოსწავლეები;
14:00 სთ. – კულტურის ცენტრში გაიმართება ამ დღისადმი მიძღვნილი ლიტერატურულ-მუსიკალური კომპოზიცია.
