ლანჩხუთის მუნიციპალიტეტის მერმა ალექსანდრე სარიშვილმა მერის წარმომადგენლებთან ადმინისტრაციულ ერთეულებში თათბირი გამართა.
შეხვედრის მიზანი „სოფლის მხარდაჭერის პროგრამით“ გათვალისწინებული სხვადასხვა საკითხი იყო. როგორც ცნობილია, აღნიშნული პროგრამის ფარგლებში ორმოცდათხუთმეტი პროექტის განხორციელება იგეგმება, რომლის საერთო ღირებულება შვიდასორმოცდარვა ათასი ლარია. პროექტების უმეტესობა გარე განათების მოწყობას, შიდა გზებისა და სანიაღვრე არხების მოწესრიგებას მოიცავს.
გარდა ამისა, მერმა სპეციალისტებთან ერთად განიხილა აზიური ფაროსანას წინააღმდეგ დაგეგმილი ღონისძიებები, რომლებიც ყველა ადმინისტრაციულ ერთეულში მომავალი კვირიდან დაიწყება.
შეხვედრას მუნიციპალიტეტის საკრებულოს თავმჯდომარე ბესიკ ტაბიძე ესწრებოდა.
