ლანჩხუთის მუნიციპალიტეტში სახალხო დღესასწაული ,,ლანჩხუთობა-2026″ მრავალფეროვანი აქტივობებით აღინიშნა.
ქალაქის ცენტრში წარმოდგენილი იყო ადგილობრივი ნაწარმი, ტრადიციული სამზარეულო, ხელნაკეთი ნივთები, მოწყობილი იყო ბავშვთა სივრცე და ფოტო-ზონა.
ღონისძიებაზე ლანჩხუთის მუნიციპალიტეტის მერმა ალექსანდრე სარიშვილმა წლის საუკეთესო პედაგოგები სახელმწიფო რწმუნებულთან გურიის მხარეში, გიორგი ღურჯუმელიძესთან და საკრებულოს თავმჯდომარე ბესიკ ტაბიძესთან ერთად დააჯილდოვა.
ასევე მასწავლებელთა პროფესიული
განვითარების ეროვნული ცენტრის ხელმძღვანელმა ეკატერინე ხუციშვილმა ლანჩხუთის მუნიციპალიტეტში მოღვაწე ხუთ ღვაწლმოსილ პედაგოგს სპეციალური ჯილდოები გადასცა.
,,ლანჩხუთობა – 2026-ის“ ღონისძიებაზე საპატიო მოქალაქეობა სხვადასხვა პროფესიის 10 ადამიანს მიენიჭა:
პროდიუსერსა და ტელეწამყვან ნოე სულაბერიძეს, ბიზნესმენ სოლომონ (სოსო) ჩხაიძეს, მუნიციპალიტეტის მერიის საფინანსო-საბიუჯეტო სამსახურის უფროს როლანდ ლაშხიას, სასამართლო ექსპერტს, ქველმოქმედ რიმა ასკურავას, სახელოვნებო სკოლათა გაერთიანების
ხელმძღვანელ ლია ურუშაძეს, მსაჯს – ოთარ გუნთაძეს, გურიის დელეგატს საქართველოს პარლამენტში ვასილ ჩიგოგიძეს, ლანჩხუთის მკვიდრ ელგუჯა კალანდარიშვილს, საზოგადოებრივი ჯანდაცვის ცენტრის ეპიდემიოლოგს, ნატო მენაღარიშვილსა და ვეტერან ფეხბურთელ ჯემსუატ ურუშაძეს.
ღონისძიებას საქართველოს პარლამენტის წევრი იოსებ ჯორბენაძე და ადგილობრივი თვითმმართველობის წარმომადგენლები ესწრებოდნენ.
