დღეს სოხუმის დაცემის დღესთან დაკავშრებით ლანჩხუთის მუნიციპალიტეტის მერმა, ალექსანდრე სარიშვილმა და საკრებულოს თავმჯდომარე, ბესიკ ტაბიძემ ადგილობრივი ხელისუფლების სხვა წარმომადგენლებთან ერთად აფხაზეთში, საქართველოს ტერიტორიული მთლიანობისათვის დაღუპული, გმირების საფლავები ყვავილებით შეამკეს.
– 27 სექტემბერი საქართველოს უახლეს ისტორიაში ერთ-ერთი ყველაზე ტრაგიკული დღეა. ყოველთვის უნდა გვახსოვდეს იმ ბიჭების სახელები, რომლებმაც გმირულად გასწირეს თავი ჩვენი ქვეყნის მთლიანობისათვის და პატივი მივაგოთ მათ ხსოვნას. – განაცხადა ლანჩხუთის მუნიციპალიტეტის მერმა, ალექსანდრე სარიშვილმა.
