დღეს ლანჩხუთის მუნიციპალიტეტის საკრებულოში „ლანჩხუთის მუნიციპალიტეტის 2025 წლის ბიუჯეტის დამტკიცების შესახებ“ ლანჩხუთის მუნიციპალიტეტის საკრებულოს დადგენილების პროექტის საჯარო განხილვა გაიმართა.შეხვედრას მუნიციპალიტეტის საკრებულოს თავმჯდომარე ბესიკ ტაბიძე უძღვებოდა.
ბიუჯეტის პროექტი და მისი პროგრამული პარამეტრები აუდიტორიას მუნიციპალიტეტის მერიის საფინანსო-საბიუჯეტო სამსახურის უფროსმა, როლანდ ლაშხიამ გააცნო.წარმოდგენილი პროექტით – 2025 წლის ბიუჯეტი 33 მილიონ 624,1 ათას ლარს შეადგენს, რაც 2024 წლის დამტკიცებულ ბიუჯეტზე 11 მილიონი ლარით მეტია.
შეხვედრას ესწრებოდნენ ადგილობრივი თვითმმართველობის, მერიისა და საკრებულოს თანამდებობის პირები, საინიციატივო ჯგუფების, ახალგაზრდული მრჩეველთა საბჭოს, ადგილობრივი ა(ა)იპ-ების, შპს-ების წარმომადგენლები.შეხვედრა კითხვა-პასუხის რეჟიმში გაგრძელდა.2025 წლის ბიუჯეტის პროექტზე მუშაობა გაგრძელდება კანონმდებლობით გათვალისწინებული წესით.
