ლანჩხუთის მერმა ადმინისტრაციულ ერთეულებში მერის წარმომადგენლებთან შეხვედრა გამართა.ალექსანდრე სარიშვილმა თითოეულ სოფელში არსებულ საჭიროებებთან დაკავშირებით მოისმინა ინფორმაცია.წარმომადგენლებთან ერთად განიხილა სოფლებში მიმდინარე ინფრასტრუქტურული სამუშაოები. ამ დროისთვის სოფლებში სტიქიის სალიკვიდაციო ღონისძიებების ფარგლებში ნაპირსამაგრების მოწყობა მიმდინარეობს. ასევე გრძელდება შიდა გზების მოწესრიგება. მათ შორის, ჯურუყვეთის ადმინისტრაციულ ერთეულში მიმდინარეობს სანიაღვრე არხების მოწყობა.შეხვედრაზე ასევე განიხილეს სოციალური და ჯანდაცვის მიმართულებით ის პროგრამები, რომლებიც 2025 წლის ბიუჯეტით დაფინანსდება.ალექსანდრე სარიშვილმა დაავალა თითოეულ წარმომადგენელს მაქსიმალური ყურადღება გამოიჩინონ მოქალაქეებისა და მათი საჭიროებების მიმართ.შეხვედრას ლანჩხუთის მერის პირველი მოადგილე ეკატერინე გუჯაბიძე და მოადგილე თორნიკე ტიკაძე ესწრებოდნენ.
