ლანჩხუთის მუნიციპალიტეტის საკრებულომ ლანჩხუთში, სკოლის მიერ გამოვლენილი წლის საუკეთესო მასწავლებლის ფულადი ჯილდოს ოდენობის 300-დან 500 ლარამდე გაზრდის პროექტს მხარი დაუჭირა.საკრებულოს სხდომაზე, რომელსაც საკრებულოს თავმჯდომარე ბესიკ ტაბიძე უძღვებოდა, დღის წესრიგით გათვალისწინებული რვა საკითხი განიხილეს.
საკრებულომ განიხილა და დაამტკიცა დადგენილების პროექტი, რომლითაც, დაზუსტდება შემთხვევები, რომლებზე რეაგირებაც
მუნიციპალიტეტის მასშტაბით მერიის ზედამხედველობის სამსახურისა და შპს „ლანჩხუთის სატრანსპორტო კომპანიის“ კომპეტენციას განეკუთვნება.
მუნიციპალიტეტის მასშტაბით მერიის ზედამხედველობის სამსახურისა და შპს „ლანჩხუთის სატრანსპორტო კომპანიის“ კომპეტენციას განეკუთვნება.მერის საფინანსო-საბიუჯეტო სამსახურის უფროსმა, როლანდ ლაშხიამ საკრებულოს 2025 წლის ბიუჯეტში ცვლილებების წარუდგინა.
ცვლილების თანახმად, რომელიც არსებული ბიუჯეტის ფარგლებში განხორციელდება, სოფელ ორაგვეში ტურიზმის განვითარების ხელშეწყობაზე ადგილობრივი ბიუჯეტიდან დამატებით 291 141 ლარი გამოიყოფა.
საკრებულოს დაამტკიცა იმ დასახლებების ნუსხა, სადაც ავტოსადგურები არ არის, თუმცა რეგულარული საქალაქთაშორისო სამგზავრო გადაყვანა ხორციელდება.გარდა ამისა, განიხილეს ლანჩხუთის მუნიციპალიტეტის საგანგებო მართვის გეგმა, რომელიც სხვადასხვა უწყებების ინსტიტუციურ ვალდებულებებს განსაზღვრავს.
საკრებულოს წევრებმა მხარი დაუჭირეს ქალისა და მამაკაცის თანასწორობისა და ბავშვთა საკითხებზე მომუშავე მუნიციპალური საბჭოს შექმნისა და მისი დებულების დამტკიცებას.
საკრებულოს სხდომაზე ასევე უმრავლესობით დამტკიცდა ლანჩხუთის მუნიციპალიტეტის საკრებულოს რეგლამენტის ცვლილებების პროექტი.
