ლანჩხუთის მუნიციპალიტეტის საკრებულოს რიგგარეშე სხდომაზე, რომელსაც საკრებულოს თავმჯდომარე ბესიკ ტაბიძე უძღვებოდა, დღის წესრიგით გათვალისწინებული ორი საკითხი განიხილეს.
მერიის საფინანსო-საბიუჯეტო სამსახურის უფროსმა როლანდ ლაშხიამ 2025 წლის ლანჩხუთის მუნიციპალიტეტის ბიუჯეტში შესატანი ცვლილებები წარადგინა.
საქართველოს მთავრობის განკარგულებით, 2025 წლის თებერვალში ლანჩხუთის მუნიციპალიტეტში დიდთოვლობის შედეგად დაზიანებული საცხოვრებელი სახლების სარეაბილიტაციო სამუშაოების განხორციელების მიზნით 7 365 000 ლარი გამოიყო.
საკრებულომ იმსჯელა „ლანჩხუთის მუნიციპალიტეტის ტერიტორიაზე საარჩევნო-სააგიტაციო მასალების განთავსების რეგულირების შესახებ“.
პროექტი საკრებულოს მერიის ქონების მართვისა და სოფლის მეურნეობის სამსახურის, ქონების მართვისა და სოფლის მეურნეობის განყოფილების უფროსმა ვარდენ კვაჭაძემ წარუდგინა.
წარმოდგენილ პროექტებს საკრებულომ უმრავლესობით დაუჭირა მხარი.
