ა(ა)იპ „ონკოქეა ჯორჯიასთვის“ 2 წლის ვადით, უძრავი ქონების სარგებლობის უფლებით გადაცემაზე იმსჯელეს ლანჩხუთის მუნიციპალიტეტის საკრებულოს სხდომაზე, რომელსაც საკრებულოს თავმჯდომარე ბესიკ ტაბიძე უძღვებოდა.სხდომაზე, ასევე, განიხილეს ლანჩხუთის მუნიციპალიტეტის საკუთრებაში არსებული უძრავი ქონების, ა(ა)იპ „საქართველოს სამედიცინო ჰოლდინგისათვის“ და ა(ა)იპ „ლანჩხუთის მუნიციპალიტეტის საფეხბურთო სკოლისთვის“ პირდაპირი განკარგვის წესით, უსასყიდლოდ სარგებლობის უფლებით გადაცემის საკითხი.
პროექტები საკრებულოს მერიის ქონების მართვისა და სოფლის მეურნეობის სამსახურის, ქონების მართვისა და სოფლის მეურნეობის განყოფილების უფროსმა ვარდენ კვაჭაძემ წარუდგინა.
წარმოდგენილ პროექტებს საკრებულომ უმრავლესობით დაუჭირა მხარი.
