გურიის მხარეში სახელმწიფო რწმუნებულმა გიორგი ღურჯუმელიძემ ლანჩხუთის საკრებულოს უმრავლესობის წევრებთან შეხვედრა გამართა.
შეხვედრაზე გიორგი ღურჯუმელიძემ ხაზი გაუსვა მუნიციპალიტეტების ერთობლივი მუშაობის მნიშვნელობას რეგიონული განვითარების მიმართულებით. განსაკუთრებული ყურადღება დაეთმო ინფრასტრუქტურული პროექტების დროულ და ეფექტიან განხორციელებას, დასაქმების ხელშეწყობასა და სოციალური პროგრამების გაფართოებას.
სახელმწიფო რწმუნებულის განცხადებით, მუნიციპალიტეტში მიმდინარე და დაგეგმილი პროექტები უნდა იყოს მაქსიმალურად მორგებული ადგილობრივი მოსახლეობის საჭიროებებზე.
შეხვედრას მუნიციპალიტეტის მერი ალექსანდრე სარიშვილი და საკრებულოს თავმჯდომარე ბესიკ ტაბიძე ესწრებოდნენ.
