ლანჩხუთის მუნიციპალიტეტის მერმა ალექსანდრე სარიშვილმა სამსახურის უფროსებთან სამუშაო შეხვედრა გამართა.
მერმა მოისმინა ინფორმაცია მიმდინარე წლის ბიუჯეტის შესრულების შესახებ. საფინანსო-საბიუჯეტო სამსახურის უფროსის, როლანდ ლაშხიას თქმით, დარჩენილ პერიოდში უზრუნველყოფილი იქნება ბიუჯეტის სრულყოფილი შესრულება.
შეხვედრაზე აღინიშნა, რომ მუნიციპალიტეტში აქტიურად მიმდინარეობს სტიქიის სალიკვიდაციო ღონისძიებები და გრძელდება სპორტული ინფრასტრუქტურის მოწყობა.
ალექსანდრე სარიშვილმა ასევე მოისმინა ინფორმაცია სოციალური და ჯანდაცვის პროგრამების შესახებ.
მერმა სამსახურის უფროსებს დაავალა მაქსიმალური ყურადღება გამოეჩინათ მიმდინარე პროექტების ხარისხიან განხორციელებასა და მოსახლეობის წინაშე არსებულ გამოწვევებზე.
შეხვედრას ესწრებოდნენ მერის პირველი მოადგილე ეკატერინე გუჯაბიძე და მოადგილე თორნიკე ტიკაძე.
