ლანჩხუთის მუნიციპალიტეტის მერი ალექსანდრე სარიშვილი მერიის დაქვემდებარებაში მყოფი ორგანიზაციებისა და ა(ა)იპ-ების ხელმძღვანელებს სამუშაო შეხვედრაზე შეხვდა.
შეხვედრის ფარგლებში განიხილეს მიმდინარე საქმიანობა, შესრულებული სამუშაოები და სამომავლო გეგმები. ორგანიზაციების ხელმძღვანელებმა მერს დეტალური ანგარიში წარუდგინეს.
მერია და დაქვემდებარებული სტრუქტურები უახლოეს პერიოდში განახორციელებენ რიგ მნიშვნელოვან კულტურულ და სპორტულ აქტივობებს, რომელთა მიზანია საზოგადოებაში აქტიური მოქალაქეობის, კულტურული ჩართულობისა და ჯანსაღი ცხოვრების წესის პოპულარიზაცია.
ალექსანდრე სარიშვილმა ორგანიზაციების ხელმძღვანელებს კონკრეტული დავალებები და რეკომენდაციები მისცა.
შეხვედრას ლანჩხუთის მერის პირველი მოადგილე ეკატერინე გუჯაბიძე ესწრებოდა.
